Po Gran 20 désanm 2023, Müzé istorik Villèle èk Zarshiv départmantal La Rényon i propoze azot dékouve la totalité bann Lettres patentes 1723, plüs konü par lo nom Code Noir des îles de France et de Bourbon.
Kode-la néna 54 lartik, i tire modèl èk sat bann Zantiy la-fé lané 1685. Lané 1723, i mète ali en plasse. Po toute lépok lézklavaj, kode-la i di koman sora bann relasyon rantr’ lo bann maitr’ èk lo bann zésklav, zot droi, zot lobligasyon shak koté, èk bann pinüsyon. I koze sürtou dessi la manièr fé konsta po la néssans, lo mariaj, la mor, la pratik la rolijion, lo travaïy, épila koman bann zésklav na pwin lo droi sivil…
I amonte léspozisyon dann jardin Müzé Villèle. I pé rogarde ali ossi par linternèt.
